Drive Dang Siam Chhuah Leh Dan

Drive Dang Siam Chhuah Leh Dan
By. Zawnglaite Run on February 3, 2010.

Computer Drive (C:), (D:) tih te in kan then hrang thina, C, D, kan nei a, entirnan, D: a lo khat tawh C: a la ruak teuh a nih chuan,engtinnge C: drive a tanga E: drive kan siam chhuah leh ang. Window a tharin kan install leh dawn em ni? Window a hranpa a han install leh tur chuan hun pawh kan seng tam a, hna pawh a ti tam a ni. Chuvangin, awlsam te a tih dan ka rawn ziak a nge. La hre lo te tan a tangkai beiseina nen.

1. My Computer ah khan Right Click, chuan Manage kha click rawh.
2. Disk Management click leh rawh. C:, D: tiin a rawn lang ang.
3. C: ah khan Right click la, Sharink Volume thlang rawh.Rei lo te ah,
4. Box pakhat a rawn lang a nga, Enter the amount of space to shrink in MB: tih kha, Drive C: chhunga awm hmunruak chu a ni. Hmunruak zawng zawng kha Drive E: a tana lak vek chu a tha lo. (Entirnan: C: ah 60 GB a ni a, Use 30 GB a ni a, Chuti a nih chuan 30 GB a ruak a la awm tihna a ni. 30 GB a tangin, 20 GB vel chauh E: tan then hrang leh mai rawh. 20GB a nih chuan, 20240 tiin type la, Shrink kha hmet leh mai rawh.
5. Chuan Drive pakhat chu i siam a ni ta mai. Khami drive kha Right Click leh la, New tiin a computer in a rawn sawi dan ang zel in chhunzawm ang che.

Window XP Hmangte tan, Start Menu Tih Ran Dan

Window XP Hmangte tan, Start Menu Tih Ran Dan
By.Naupang fel(Lawma)

"Start" kha han Click la, "Run box" ah khan Click leh rawh. "Regedit" ( Registry editor tihna a ni e) " type" leh rawh. Chuan "Panel" ami, "HEYCURRENT USER" kha click leh rawh. Chuan, chumi chhung a mi "control panel "kha thlang leh rawh. Control panel a tangin "Desktop" kha thlang leh la, chuan "Munushowdelay" ah "Right click" leh rawh. Modify kha thlang la, "Value" ah khan "0" dah ang che. Chuan, I computer kah "Restart" leh rawh.

Short Form hmanga Chatting Dan

 By.Naupangfel on February 11, 2010

Lehkha chhu paha i Call duh chuan F11 hmet zeuh la
Call i cancel leh duh chuan F12 hmet leh mai la
Lekha i type laia Mail thar rawn lut a awm chuan F9 kha ti leh zeuh mai ang che.
Ctrl leh Mousewheel up/down hmangin Chat Box chunga Hawrawp Len leh tetlam i duh angin i siam thei.
Esc hmangin Chat Box i khar mai thei .
Chat Box 2/3 i hawn chuan(Mi 2/3 i chat kawp chuan) Tab hmangin i kual zar zar thei bawk.(Tab chu Caps Lock chunga mi kha a ni e)
Alt leh Tab i hmeh kawp chuan I Browser leh i thil hawn ho i kal kual zung zung thei bawk.
Gtalk Chat Box chhungah hian vawikhatah thumal 32767 chiah a chhut theih/a leng a ni awm e.
Tin, I gtalk Box kha notification area ah a awm a nih chuan Windows key leh Esc hmeh kawp la a rawn lang vat mai ang.
Chat Box ah emaw , Custom message dahna ah emaw HAWRAWP AWN (Itallic) i hman duh chuan i thuziah bul leh tawpah hei hi ( _ ) i dah dawn nia, I Bold duh chuan hei hi (*) i dah leh mai dawn nia.

Copy+Paste Fim khur dan tur

  By.H Duh Liana on April 2, 2010
Computer kan hman hian kan “copy = Ctrl+c / paste= Ctrl+v” ti in awlsam em em in kan hmang thin mai a. Hetia kan copy leh past hi a vaiin clipboard ah temporary a chhinchiah (dah that) a ni tih hi kan hriat a kan fimkhur a tha hle ang. Heihi, Internet atangin awlsam te a, Javascrips & ASP hman kawpa en theih mai a ni.

Entirnan:

1. Copy any text by Ctrl+c

2. Click the link: www.friendlycanadian.com/applications/clipboard.htm

3. I copy leh past lehkha zawng zawng kha he webpage a tangin awlsam te a en theih mai a ni.

Chuvangin i password, creditcard number, Pin leh a dang thil pawimawh te chu,


Internet i hman lai reng reng in copy siam lo la a him thlak be rang. I clipboard in awlsam em em in a lo chhinchhiah kar mai a ni tih hi, lo hre ngei ngei ang che. Tunlai dinhmun takah phei chuan Firefox tih loh browser dangah hian a ni duh bikin a lang.


Engtinge kan invent ang le!

A hnuai a mi angin, setting siam mai rawh.

1. Go to internet option-> security

2. Press custom level

3. In the security settings, select disable under Allow paste operations via script.

He tia i tih chuan, a thlamuan thlak tawh viau ang.

Computer tih ran dan( Chi dang)

Computer tih ran dan (Chi dang leh):-
By.Zunzam on April 3, 2010

I hun awl neih a piangin " Hard Disk" kha ti fai reng ang che. A tih fai dan chu:,
1. All program
2. "Accessories > System tools> Disk clean up" tiin hmet den den mai rawh.
Minute 5 chhungvel in i Hard Disk hnawk lutuk chu a rem fel vek mai ang. Rei lo te chhung (i kuhva ei leh mei zuk) pawn i chhuah dawnin han hmet kual zeuh mai la, chawlh chhung a hna thawk i ni mai dawn a, a rem hriat thlak viau ang.
Inrel bawl dan dik lo leh Hard Disk hnawk lutuk hian kan computer hman hi a ti mung tih hi hriat kar a tha bawk.

File him taka dah dan

I File him taka i dah reng theih nan, I File awm dan kha thlak danglam thin ang che.

Zunzam's Blog

 Start> All Programs> Assessories> command prompt
2. "Command prompt" a rawn lan chuan, "screen" pui i hmu ang.
3. "Cursor" rawn phe dep dep i hmu ang a, " convert c:fs:ntfs " tiin type rawh.
4. Chuan, "Enter" hmet la,
5. Command prompt chi dang "Start> Run>" ah "cmd" tiin i type thei bawk.
6. NTFS a in thlak dawng lam sa a nih chuan, "My Computer" ah "Mouse" khan "Right Click" la, "properties" ah khan i en mai dawn nia.
7. cmd a tanga i chhuah theih loh chuan "exit" tiin type la, "Vai vawih aia rangin a chhuah tir ngei ngei ang che"

Internet 20% tih Ran Dan

Kan Internet 20% in i tih ran belh ang u.
H Duh Liana on April 14, 2010

***Start Menu--->> Click Run (window+R)
Type gpedit.ms c
Enter
Lehlam sira "Computer Configuration" chu "Expand (+)"
"Administrative Templates" chu, "Expand"
"Network" chu "Expand"
Qos Packet Scheduler Chu thlang bawk rawh.

Chuan a sir a " Limit Reservable Bandwidth" tih lehkha chungah "double Click"
"Limit Reservable Bandwidth Properties box" ah "Enable option" chu thlang rawh
Bandwidth Limit [%] box ah 0% ah hian 20 % In sawn la, ok in chhual rawh.

A rawn ran phah sawt in ka ring.

CHATTING KAN HMANIN KAN CHATTINGTE AWMNA RAM HRIAT THEIH

        Thenkhat nula, tlangval te chuan mi an chatting hian an awmna ram an sawi duh lova, "khawia tangin nge"? tih a zawh tang tang pawhin, an duh duh na ram an sawi fo thin. Heihian lu a ti hai thei thin hle a ni ( ka tan chuan). Midang chu ka hre bik lo le. In lo nih ve takin, " Chatting tu che hi, khawilai rama awm nge" tih i hriat duh chuan, a hnuai a web address a tangin a en theih reng e. Khawvel finna leh thiamna hi lo sang hle mahse, thuhruk thei tak tak thil a awm lo a ni.
" I chatting pui awmna ram i hriat duh chuan" www.radiusIM.com ah hian lut la, in chatting tir ang che. Tichuan a awmna ram chu i hre thei ngei ang.

MAIL HLUIA CONTACT ADDRESS, MAIL THARA ADD LUH DAN

Nihna(Identity)

  Nihna(Identity)                 April, 2, 2010

By: Nl.Machhuangi, Amsterdam
Mizo thufing chuan “I thu sawiin I nihna a hril” an lo ti thin a. Chutianga kan tawngkam khat chauh pawhin kan nihna a hril chuan; nitin hian eng tawngkam nge kan sawi chhuah ngun ber? Engber hian nge kan nihna lan chian tir? Engtiangin nge kan teh thin? Ramsa chu a neituin eng tikhawpin duatin enkawl tha mah se, a ziaah Ran a nihna chu a hunteah a lang chhuak thin. Chhia leh tha hriatna an hman dan a dang a, an chakna emaw duhna an tipuitling mai thin a. A hun leh hmun pawh ngaihtuah lovin an lanchhuah tir mai thin a ni ber. Kan hotu pakhatin fiamthu ang reng, mahse thu dik tak a sawi hi ka hrereng thin. India khualzin chuan mawhphurna nei ten khawnge I Tribal certificate min hmuh rawh an tih in, ‘hei I hmu lo em ni? tiin kan chawn sek ve tawk hi fiamthuin kan kawk thin’, a ti a. Tribal kan nihna chi khat a ni miau a,a dik khawp in ka hria.
Keini Tribal tan chuan kan nihna, kan chawn lian deuh bik hi chhinchhiahna tha tak a tling a. (N.B: Mi tam zawk nihna kan tar lang mai a ni) Keini ram (Burma)-ah pawh Identity Card (NRC) hi a pawimawh em em a, keimahni aipawhin a pawimawh zawk em ni? tih tur hian a hlu a. A chhan chu rammi nihna ti lang chaingtu a ni tlat mai. Chu tiangin ram leh hnam, sakhua tin hian mahni nihna kan nei theuh a, kan huam chin erawh a inang lo nuk thei.

Mihring chuan chhia leh tha hriatna kan neih hi a hun leh hmun azira hmang thei turin duhthlanna sang ber kan nei theuh a. Mi tam zawkten chu duhthlanna chu kawngdangah hmangin sual pun lun nan an hmang ta zawk thin. Mihring ni ve tho, mahse nihna lanchhuah tir dan mak dang lam tak, Nazereth tlangval Hmangaihna hi a ropuiin a mak a ni. Khawvel tana Nunna pe, tawp chin leh ramri kham nei miah lo Lal Isua nihna hi chhui ngun pauh leh a mak zia hi a lang chiang a ni.

A Nihna lan chian tirna ropui leh mak tak mai chu Kalvari tlang thing Kross chunga a hmelmaten an hmuhsit a, hremna rapthlak ber, thi khawp hiala an khenbeh pawhin a tawngkam chhuak mawi tak, ” Ka pa, Ngaidam rawh, an thil tihsual hi an hre lo a ni” ti theitu tawngkam hian; A nihna dik tak, a hril ngei mai. Ngaihdam duhna thinlung, chhungril atanga lo chhuak hian Pathian leh mihring inkarah Remna leh muanna a thlen a.
Hmelma ni tur kha Hmangaihnain min phuarkhawm ta zawk a, chu ngei chu a ni’ thawnthu hlui thei lo hmangaihnaa khat, ngaihdamna mak tak mai chu! Chutianga nunah lanchhuan tirtu Krista nihna hi kan tawmpui a nih chuan keini pawh amah angin kan hmelma emaw, min hmelmatu hi kan ngaidam ve dawn lawm mi?
Hla phuahtu in “Ngaidam rawh aw, ngaidam ang che, tlan tawh sualah thih phal suh la” a ti a. Kum tam liam tawh mah se, vawin thlenga kan hlut leh ngaihpawimawh Lal Isua lungngaih hapta hi eng tin nge I hman ve? Tuarna leh harsatna karah pawh a hmelmate tan nun pe a, ngaidamtu chuan—Isua Krista nihna a tawmpui a, mi ngaihdam ni lovin ngaidamtu a ni zawk thin.

Posted in Article Huang | 7 Comments

1. Thangzauva
   Machhuangi chu a ziak tha ngei mai. Mahni nihna aia indah hniam tum tlat te, leh mahni nihna aia indahsan tum tlat te hi thil tha a ni lo a, Mahni nihna ang anga lanchhuah mai hi a tunlai ber mai e. Pu te u, in thlalak tar hi V-Chhuangi a ang lo tlat, midang a ni lo maw? Nge, a tleirawl lai hmel duhawm kha a lo si san ve tawh zawk ni.
   
2. lalthianga
   i ziak tha ngei e,mizo nu tak i ni!ka chhuang tak zat che lo ziak zel rawh
   
3. rihlipui
   eurupe ram ah huian nula i rawmn kal tir loh aw……………….
   
4. Dinga
   A van tha dep dep ve aw, thinlung ngilneihna ril tak atanga rawn far chhuak a ni bawk a, a lem pawh a manhla a ber mai.
   
5. Hminghming
   Thiannu Chhuangi, ka chhuang tak zet che.
   Good Friday hmang thei lo keia tan sermon tha tak min rawn chhawpchhuaksak avangin BIG THANKS. Rawn ziak zel teh aw…
   
6. muansangi
   Tha khawp mai. Mahse heti lam zawng hian ka’n thlek pui daih teh ang. Mizo tam tak chuan an identity hai der in changkang zawk a an ngaih Israel mi ah an in chhui lut a Israel ramah te an zu pem lut vel a. Kei chuan kan landan(appearance) atang hi chuan Isreal kan ni lo tih hi a chiang tawk in ka hria. Tin, Israel mi nih ai chuan Mizo nih a Vai ho chawmhlawm nih mai mai pawh hi ka duh zawk.
   
7. bawihtetea
   Ka zin chhungin post a lo va han tam hman em em ve!
   A ziaktu chu kan kawmchhak ah ni maw i lo awmreng a! Kan va in hnaih run run ve. Faksel chi vak pawh ni lo ang a
   Identitii hi a pawimawh hle! Burma ah phei chuan, in sawi tak angin, NRC hi Rev.Vulchuka tih loh chuan kan ngai pawimawh hlawn hle! A ni chuan “lu-ko-taing-par-lar-de” a ti mai a. Keini chuan kan ngam ve si law!
   Mizo tlangval India sipai ah tang a tum ve a! A han Interview a, a tling vek a. Mahse, Birth Certificate a lo nei miau bawk si law,….Sipai lal te chuan, “Birth Certificate” i nei tlat lo mai, sipai ah kan pawm thei lo ang che” an han ti chu…….lung awi lo em em in…
   “KA PIANG CHIANG EMMMM” a ti hmur hmur a….han tih ngaihna vak a hre bawk si law!
   

Status Of Mizo Women

Lallawmzuali Khiangte - Ka Ngai Em A Che

http://www.youtube.com/watch?v=deEEVFAgpiI