Thupui Then II-na : Ka chakna Lalpa (Rawngbawlnaah)
Sawitu : Rev. Dr.Dengthuama
Dinhmun hrang hrang hmachhawn tura chakna min petu chu Krista a ni. Mifingin anmahni an rinchhan laiin Paula chuan mi tichaktu Kristaah chuan engkim ka ti thei a lo ti a. YJC Thupui, rawngbawl tura koh kan nih hrerengin mite rinchhan tlak leh innghahna tlak kan nih chauhin rawngbawltu kan lo ni dawn a ni. Chu chu Lalpa rinchhanna atang chauha neih theih a ni. Ei rawngbawltuin mite ei tur an theih tawpa an buaipui ang hian rawngbawltu chuan hna a thawk tur a ni.
Tunlai kan rawngbawlna dinhmunah ve thung chuan mite tan malsawmna ni tlaka rawngbawltu nih aiin dinhmun leh nihna inchuhin kan buai a ni tawh ber a. Mi mal dinhmun han thlir pawh hian mahni induh tawkna, tha intihna a lian hle. Kan dik lo a ni tih ai chuan inphenna tur kawng kan zawng a, mi dangte bel tumnain kan khat.
Lalpaa rinchhanna nei mi awm dan chu eng nge ni ta ang? Mi dangte nunna/chakna tura mahnia phur inbel ngam a tul. Chu tak chu Lalpa rinchhantute nun a ni. Lalpa chakna latute chu lawmna thuruk changtute an ni.
Mihring rinchhanna leh chakna intihnaah lawmna tak tak a awm thei lo. Mihring hriatthiam chin tawka rawngbawlnaah hian innghahna tlak tak tak a awm ngai lo tih hriain rawngbawltu zawng zawngten Lalpaa rinna nghah hi kan chakna hnar a lo ni zawk.
No comments:
Post a Comment